Амлодипин

Вообичаена почетна доза, и за хипертензија и за ангина пекторис е 5 mg амлодипин, еднаш дневно. Според индивидуалниот одговор на пациентот, оваа доза може да се зголеми најмногу до 10 mg дневно. Кај хипертензивни пациенти, амлодипин бил применуван во комбинација со тиазидни диуретици, α-блокатори, β-блокатори или AKE-инхибитори. За ангина пекторис, амлодипин може да се применува како монотерапија или во комбинација со други антиангинални лекови кај пациенти со ангина рефракторна на нитрати и/или соодветни дози на β-блокатори. При истовремена терапија со тиазидни диуретици, β-блокатори или AKE-инхибитори не е потребно прилагодување на дозата на амлодипинот.

Амлодипин, употребен во слични дози и кај постари и кај помлади пациенти се поднесува добро. Затоа, се препорачува нормален режим на дозирање, но потребна е претпазливост при зголемување на дозата.

Кај пациентите со благо до умерено хепатално нарушување не се утврдени дозните препораки. Поради тоа, изборот на дозата треба да е претпазлив и треба да се започне со најниската доза. Фармакокинетиката на амлодипин не е испитувана кај пациенти со тешко хепатално нарушување. Кај овие пациенти, дозирањето треба да започне со најниската доза и постепено да се титрира.

Промените на концентрациите на амлодипинот во плазмата не корелираат со степенот на реналното нарушување, заради тоа се препорачува нормален дозен режим. Амлодипинот не се дијализира.

Деца и адолесценти со хипертензија, од 6 до 17 годишна возраст Препорачана антихипертензивна орална доза кај педијатриски пациенти од 6 до 17 годишна возраст е 2.5 mg еднаш на ден како почетна доза, која се титрира до 5 mg еднаш на ден, доколку после 4 недели не се постигне саканиот ефект. Кај педијатриски пациенти не се испитувани дози повисоки од 5 mg дневно. Деца под 6 годишна возраст Нема достапни податоци.