fbpx
+389 2 3081343 info@replek.com.mk

Верапамил

Verapamil
Обложени таблети 80 mg
ATC C08D A01
Се издава на рецепт
Се наоѓа на позитивна листа на лекови на ФЗО

ДОЗИРАЊЕ И НАЧИН НА УПОТРЕБА

Деца

Забележано е парадоксално зголемување на стапката на аритмии кај децата. Затоа, верапамил треба да се применува само под медицински надзор. Деца до 2 години: 20 mg, 2-3 пати на ден. Деца на 2 години и постари од 2 години: 40-120 mg 2-3 пати на ден во зависност од возраста и ефикасноста.

Возрасни

Хипертензија: На почетокот 120 mg два пати на ден, при што кога е потребно се зголемува до 160 mg два пати на ден. Во некои случаи е применета доза до 480 mg дневно, во поделени дози. Дополнително намалување на крвниот притисок може да се добие со комбинирање на верапамил со други антихипертензивни лекови, особено диуретици.

Ангина: Се препорачува доза од 120 mg три пати на ден. Кај некои пациенти со ангина пекторис при напор, може да биде доволна доза од 80 mg три пати на ден. Малку е веројатно дека, доза помала од 120 mg три пати на ден е ефикасна кај варијантна ангина.

Суправентрикуларна тахикардија: 40-120 mg три пати на ден во зависност од сериозноста на состојбата.

Постари Пациенти

Се препорачува доза како кај возрасни, освен во случај на нарушување на хепаталната и реналната функција.

Метод на примена: За орална примена.

Информациите за лекот дадени на web страната се само краток опис за особините на лекот. Не ги прифаќајте како конкретни препораки за Ваше самолекување. 

Терапијата и употребата на лекот секогаш мора да биде во согласност со препораките од Вашиот лекар, и Вашиот фармацевт. Секогаш внимателно читајте го внатрешното упатство.

Categories: ,

СОСТАВ

1 обложена таблета содржи 80 mg верапамил хидрохлорид

ТЕРАПЕВТСКИ ИНДИКАЦИИ

Третман на блага до умерена хипертензија и ренална хипертензија, како монотерапија или во комбинација со друга антихипертензивна терапија.
Третман и профилакса на ангина пекторис (вклучувајќи варијантна- Prinzmetal-ова ангина).
Третман и профилакса на пароксизмална суправентрикуларна тахикардија и намалување на фрекфенцијата на вентрикулите кај атријална фибрилација/флатер. Верапамил не треба да се применува за атријална фибрилација/флатер кај пациенти со Wolff-Parkinson-White синдром.

КОНТРАИНДИКАЦИИ

Преосетливост на верапамил или на било кој од помошните супстанции.
Хипотензија (систолен притисок помал од 90mm Hg).
Втор или трет степен на атриовентрикуларен блок; синдром на болен синусен јазол (освен кај пациенти со функционален вештачки пејсмејкер); декомпензирана срцева инсуфициенција; значителна брадикардија (помалку од 50 отчукувања/минута).
Комбинација со бета-блокатори е контраиндицирана кај пациенти со слаба вентрикуларна функција.
Wolff-Parkinson-White синдром.
Истовремена ингестија на сок од грејпфрут.
Акутен миокарден инфаркт комплициран со брадикардија, значителна хипотензија или слабост на левата комора.

ПАКУВАЊЕ

Кутија со 30 обложени таблети од 80 mg во блистер пакување.

Препорачани производи