Лосартан

Вообичаена почетна доза и доза на одржување за повеќето пациенти е 50 mg еднаш на ден. Максимален антихипертензивен ефект се постигнува по 3 до 6 недели од започнувањето на терапијата. Некои пациенти може да имаат дополнителна корист ако дозата се зголеми до 100 mg еднаш на ден (наутро). Лосартан може да се употребува со други антихипертензивни лекови, особено диуретици (на пр. хидрохлортиазид).

Вообичаена почетна доза е 50 mg лосартан, еднаш на ден. Дозата може да се зголеми до 100 mg еднаш на ден, врз основа на ефектот врз крвниот притисок, после еден месец од започнување на терапијата. Лосартан може да се употребува со други антихипертензивни лекови (на пр. диуретици, блокатори на калциумовите канали, алфа или бета блокатори и лекови со централно дејство), како и инсулин и други хипогликемични лекови, кои вообичаено се употребуваат (на пр. сулфонилуреа, глитазони и глукозидаза инхибитори).

Вообичаена почетна доза на лосартан кај пациенти со срцева инуфициенција е 12,5 mg еднаш дневно. Обично, дозата се титрира во интервали од една недела (на пр. 12,5 mg дневно, 25 mg дневно, 50 mg дневно, 100 mg дневно, до максимална доза од 150 mg еднаш на ден), во зависност од толеранцијата на пациентите.

Вообичаената почетна доза е 50 mg лосартан, еднаш дневно. Зависно од ефектот врз намалувањето на крвниот притисок, може да се додаде мала доза на хидрохлортиазид и/или дозата може да се зголеми до 100 mg лосартан, еднаш дневно.

Кај пациенти со намален интраваскуларнен волумен (на пр. оние кои се третираат со високи дози на диуретици), потребно е да се разгледа почетна доза од 25 mg еднаш на ден.

Не е потребно да се прилагоди почетната доза кај пациенти со нарушување на реналната функција и пациентите на хемодијализа.

Потребно е да се разгледа употреба на пониски дози кај пациенти со анамнеза за нарушена хепатална функција. Нема искуство за лекување на пациенти со тешко хепатално оштетување. Поради тоа употребата на лосартан е контраиндицирана кај пациенти со тешко хепатално нарушување.

Безбедноста и ефикасноста на лекот кај деца од 6 месеци и помали од 6 години сеуште не е утврдена. Моментално расположивите податоци се опишани, но не може да се дадат препораки за дозирање.

За пациентите кои може да проголтаат таблети, препорачана доза е 25 mg еднаш на ден кај пациентите со телесна тежина од 20 до 50 kg. (Во исклучителни случаи дозата може да се зголеми на максимално 50 mg еднаш на ден). Потребно е дозата да се прилагоди во зафисност од ефектот врз крвниот притисок. Кај пациенти со телесна тежина над 50 kg, вообичаена доза е 50 mg еднаш на ден. Во исклучителни случаи дозата може да се зголеми на максимално 100 mg еднаш на ден. Не е испитувана употреба на доза над 1,4 mg/kg (или поголема од 100 mg) на ден кај педијатриски пациенти.

Не се препорачува употреба на лосартан кај деца под 6 годишна возраст, бидејќи достапните податоци кај оваа група на пациенти се ограничени. Не се препорачува употреба на лосартан кај деца со гломелуларна филтрациона рата < 30 ml/min/1,73 m², поради тоа што нема достапни податоци. Не се препорачува употреба на лосартан кај деца со нарушена хепатална функција.