fbpx

Неуро-Вит

комбинација на 3 невротропни витамини Б1, Б6 и Б12 во високи дози

ДОПОЛНИТЕЛНА ТЕРАПИЈА ПРИ БОЛКА КАЈ НЕВРОПАТИИ

ATC A11DB

Витамин Б1
Важен за метаболизам на јаглехидрати, обезбедува енергија за нормално функционирање на нервите и спроведување на нервни импулси. Недостаток на Б1 доведува до појава на периферна невропатија, атрофија или мускулна слабост.

Витамин Б6
Го регулира метаболизмот на аминокиселини, липиди, сфинголипиди (основни состојки на миелинската обвивка на нервите) и невротрансмитерите (серотонин, адреналин), со што е одговорен за нормално функционирање на нервниот систем.

Витамин Б12
Учествува во метаболизмот на нуклеински киселини, липиди, сфинголипиди и миелин. Покрај ова го помага и создавањето на хемоглобин.

  • Како и другите витамини, овие витамини се есенцијални супстанции кои организмот не може сам да ги синтетизира.
  • Терапевтскиот внес на витамините Б1, Б6 и Б12 може да го надополни несоодветниот внес на витамини преку храната, а со тоа да ја обезбеди потребната количина на коензими за нормално функционирање на организмот.

Неуро-вит

  • Едноставно дозирање 1 на ден
  • Добро се поднесува
  • Ја зголемува ефикасноста на анлгетиците
  • Овозможува намалување на дозата на аналгетиците, а со тоа ги намалува и нивните несакани ефекти

 Дали сте знаеле дека?

  • 15% од луѓето над 40 години имаат оштетување на нервите
  • Причините за оштетувањето се непознати кај 22% од случаите
  • Симптомите поврзани со оштетување на нервите најчесто се манифестираат како болка и тоа:
  • Зголемена чувствителност кон болка
  • Болка во предел на протегање на зафетниот нерв
  • Остра болка
  • Пецкање, печење, жарење
  • Трнење

СОСТАВ

1 филм-обложена таблета содржи:

  • 100 mg тиамин хидрохлорид (Б1)
  • 200 mg пиридоксин хидрохлорид (Б6)
  • 0,2 mg цијанокобаламин (Б12)

 ИНДИКАЦИИ

Дополнителна терапија при невритис и невралгија (невропатии), како на пример:

ТРИГЕМИНАЛНАТА НЕВРАЛГИЈА
Тригеминалната невралгија се карактеризира со епизоди на интензивна убодна болка во едната половина на лицето, по должина на една од гранките на тригеминалниот нерв.

ИНТЕРКОСТАЛНА НЕВРАЛГИЈА
Интеркостална невралгија е силна болка која се јавува по должина на интеркосталните нерви, најчесто почнува во пределот на грбот и се шири како појас кон предниот ѕид на градниот кош.

ИШИАЛГИЈА
Ишиалгија, болка со различен интензитет, која се јавува по должина на ишијадичниот нерв. Може да се јави само во лумбосакралниот дел на ‘рбетот или да се шири се до стапалото.


ДОЗИРАЊЕ И НАЧИН НА УПОТРЕБА

  • Препорачана доза е 1 филм-обложена таблета, еднаш на ден. Во поединечни случаи дозата може да се зголеми на 1 филм-обложена таблета, трипати на ден.
  • Времетраењето на терапијта го одредува лекар. После период од 4 недели, лекарот треба да одлучи за големината на дозата или продолжувањето на третманот.
  • НЕУРО-ВИТ филм-обложените таблети треба да се проголтаат цели, без џвакање, со течност, во тек на оброк или после оброк.

Деца и адолесценти
Поради високата содржина на активните супстанции, НЕУРО-ВИТ филм-обложените таблети не се соодветни за примена кај деца под 12 годишна возраст.


Невропатии

Невропатија е вид на болка која се јавува поради оштетување на периферните нерви. Оштетувањето може да се јави поради повреда, воспаление, инфекции, метаболни заболувања  (на пример дијабет), изложеност на штетни хемиски супстанци (токсини), автоимуни заболувања, алкохолизам или недостаток на витамини од групата Б.

Невропатската болка најчесто се чувствува во вид на печење, пецкање, трнење, бодеж. Таа е остра и силна. Може да е локализирана или да се шири по должината на зафатениот нерв.

Нормално се јавува кај повозрасната популација поради физиолошко оштетување на нервите кое настанува со возраста, кај дијабетичари, спортисти (поради повреди), пушачи и кај оние кои не внесувааат доволно Б витамини со исхраната.

За третман на невропатска болка се препорачуваат:

  • аналгетици (ја намалуваат болката) и
  • високи дози на витамини од групата Б (ги регенерираат нервите)