Ревастат^®

Пред почетокот на лекувањето со симвастатин, на пациентот му се определува стандардна диета за намалување на холестеролот. Пациентите мора да продолжат со диетата и во тек на лекувањето со симвастатин. Вообичаена почетна доза е од 10 до 20 mg/ден, дадена како еднократна доза навечер. Кај пациентите кај кои е потребно значително намалување на LDL холестеролот (повеќе од 45 %), може да се започне со доза од 20 до 40 mg/ден, дадена како еднократна доза навечер. Дозата по потреба може да се прилагоди на начин како е опишано погоре.

Врз основа на резултати од контролирано клиничко испитување препорачаната почетна доза на симвастатин е 40 mg/ден, навечер. Ревастат^® може да се употребува како дополнување на други третмани за намалување на нивото на липиди (на пример LDL афереза) или кај пациенти кај кои овие третмани не може да се применат.

Пред почетокот на лекувањето со симвастатин, на пациентот му се определува стандардна диета за намалување на холестеролот. Пациентите мора да продолжат со диетата и во тек на лекувањето со симвастатин. Вообичаена доза на симвастатин е од 20 до 40 mg/ден, дадена како еднократна доза навечер, за пациенти со висок ризик од коронарна срцева болест (со или без хиперлипидемија). Третманот може да започне истовремено со диета и телесни вежби. Дозата по потреба може да се прилагоди како што е опишано погоре.

Симвастатинот е ефикасен сам и во комбинација со секвестрантите на жолчните киселини. Во случај на истовремена примена на секвестрантите на жолчните киселини, симвастатинот треба да се зема најмалку 2 часа пред или најмалку 4 часа по земањето на тие лекови. Кај пациенти кои истовремено со симвастатин земаат фибрати, други освен гемфиброзил или фенофибрат, дозата на симвастатин не смее да биде поголема од 10 mg на ден. Кај пациенти кои истовремено со симвастатин земаат амиодарон, амлодипин, верапамил или дилтиазем, дневната доза на симвастатин не смее да биде поголема од 20 mg.

Не е потребно да се менуваат дозите на симвастатин кај пациентите со умерена ренална инсуфициенција. Кај пациенти со тешка ренална инсуфициенција (креатинин клиренс < 30 ml/min), примената на дневни дози поголеми од 10 mg треба внимателно да се разгледа и доколку таквите дози се потребни, неопходно е внимание при нивно воведување.

Не е потребно прилагодување на дозите.

За деца и адолесценти (момчиња во фаза II и повисока според Tanner скалата и девојчиња најмалку 1 година после менарха, на возраст од 10-17 години) со хетерозиготна фамилијарна хиперхолестеролемија, препорачана вообичаена почетна доза е 10 mg еднаш на ден, навечер. Пред да се започне со терапија со симвастатин, децата и адолесцентите треба да бидат ставени на стандардна диета за намалување на холестрерол, и истата треба да продолжи и за време на терапијата.

Препорачани дози се од 10-40 mg на ден. Максимална препорачана доза е 40 mg на ден. Дозите треба индивидуално да се прилагодат во зависност од целта на терапијата според препораките на педијатарот. Прилагодувањето на дозите треба да се прави во интервали од најмалку 4 недели. Искуствата со употреба на симвастатин кај деца пред пубертет се ограничени.