Теразосин

Единечната дневна доза може да се зголеми со удвојување на дозата во неделни интервали за да се постигне саканиот одговор. Дозата на одржување треба да се прилагоди во зависност од одговорот на пациентот. Доза од 2 mg дневно може да биде доволна со зголемувања до 10 mg дневно, доколку е неопходно (клиничките студии ја подржуваат употребата на дози од 2 mg до 10 mg како доза на одржување). Максималната дневна доза на теразосин изнесува 20 mg и истата не треба да се надминува.

При додавање на тиазидни диуретици или други антихипертензивни лекови дозата на теразосин треба да се намали или да се прекине и да се ретитрира доколку е потребно. Претпазливост е потребна при примена на теразосин со тиазидни диуретици или други антихипертензивни лекови поради можноста од појава на хипотензија.

Дозта може да се зголеми со удвојување на дозата во неделни или двонеделни интервали за да се постигне саканото намалување на симптомите. Вообичаена доза на одржување е 5 mg до 10 mg еднаш дневно. Подобрување на симптомите се забележува најрано две недели по започнување на третманот со теразосин. Нема доволно податоци кои покажуваат дека со дози над 10 mg еднаш дневно ќе се добие дополнително ублажување на симптомите. Третманот треба да започне со доза од 1 mg дневно во тек на 7 дена, 2 mg дневно во тек на 14 дена и 5 mg дневно во тек на 7 дена. Одговорот кон третманот треба да се преиспита после 4 недели. При секој чекор на титрација на дозата може да се јават минливи несакани дејства. Доколку некое несакано дејство перзистира, треба да се земе во предвид намалување на дозата.

Фармакокинетските студии укажуваат дека кај пациентите со нарушена ренална функција не е потребно прилагодување на дозата

Нема податоци за безбедноста и ефикасноста на теразосин кај деца и адолесценти под 18 години. Поради тоа, не се препорачува примена на теразосин кај оваа популација.

Фармакокинетските студии укажуваат дека кај постарите пациенти не е потребно прилагодување на дозата. Меѓутоа, поголема претпазливост е потребна при титрација на дозата на теразосин. Доколку примената на лекот е прекината во тек на неколку дена, третманот треба повторно да се воведе со примена на почетниот дозен режим.

Потребна е посебна претпазливост при титрација на дозата на теразосин кај пациенти со нарушена хепатална функција, заради тоа што, теразосин екстензивно се метаболизира во хепарот и главно се екскретира преку билијарниот тракт. Бидејќи нема клиничко искуство кај пациенти со тешко хепатално нарушување, не се препорачува примена на теразосин кај оваа популација.

Првата дефинирана доза на лекот треба да се земе навечер пред спиење. Следните дози на лекот со истата јачина може да се земаат наутро. Таблетите треба да се земаат со доволна количина на течност (пример со 1 чаша вода). Третманот на хипертензија со теразосин е долготраен, поради што може да се прекине само по совет на лекар. Доколку е неопходно да се прекине третманот со теразосин, дозата треба да се ретитрира започнувајќи со 1 mg теразосин, навечер пред спиење.